Category Archives: સુરેશ દલાલ

સુરેશ દલાલ શ્રેણીમાંના બધા પોસ્ટ (કક્કાવાર). સંપૂર્ણ પોસ્ટ માટે ક્લીક કરો.

કાવ્ય - સુરેશ દલાલ
- એમાં મારો શું વાંક? - સુરેશ દલાલ
અમે એવા છઇએ - સુરેશ દલાલ.
અમે તો ગીત ગુલાબી ગાશું! - સુરેશ દલાલ
અમે હોળીનો ગુલાલ છીએ ઘેરૈયા - સુરેશ દલાલ
અલક ચલાણું ઓલે ઘેર ભાણું - સુરેશ દલાલ
આંખ્યુંના આંજણમાં - સુરેશ દલાલ
આજ મારા હૈયામાં ફાગણનો ફોરમતો ફાલ.. - સુરેશ દલાલ
આજ રીસાઇ અકારણ રાધા... - સુરેશ દલાલ
આટલું તે વ્હાલ નહીં વેરીએ... - સુરેશ દલાલ
આટલું બધું વ્હાલ તે કદી હોતું હશે ? - સુરેશ દલાલ
આપણી વચ્ચે - સુરેશ દલાલ
આપણે આપણી રીતે રહેવું - સુરેશ દલાલ
આભનો એક જ મલક - સુરેશ દલાલ
ઇટ્ટા કિટ્ટા -સુરેશ દલાલ
ઇટ્ટા કિટ્ટા... - સુરેશ દલાલ
એક કાવ્ય - સુરેશ દલાલ
એકલો દરિયો - સુરેશ દલાલ
કમાલ કરે છે, એક ડોસી ડોસાને હજી વ્હાલ કરે છે..! - સુરેશ દલાલ
કવિ શ્રી સુરેશ દલાલ ને અલવિદા....
કવિ શ્રી સુરેશ દલાલને સ્વરાંજલિ : આટલું બધું વ્હાલ તે કદી હોતું હશે
કવિતા - સુરેશ દલાલ
કવિતા - સુરેશ દલાલ
કવિતા - સુરેશ દલાલ
ચકરાવો લેતા કોઇ પંખીની જેમ મને - સુરેશ દલાલ
ઝાડ મને લાગે નહીં પરાયાં… – સુરેશ દલાલ
ડોસા અને ડોસી - સુરેશ દલાલ
ડોસાએ ડોસીને જીદ કરી કહ્યું...- સુરેશ દલાલ
તમે કહો તે સાચું - સુરેશ દલાલ
તમે તો પાસે તોયે દૂર દૂર ને દૂર - સુરેશ દલાલ
તમે વાતો કરો તો….- સુરેશ દલાલ
તેં તો રાત આખી વાંસળી વગાડ્યા કરી.... - સુરેશ દલાલ
દરિયા સાથે દોસ્તી મારી - સુરેશ દલાલ
દરિયો - 2
નજરુંના કાંટાની ભૂલ - સુરેશ દલાલ
નામ લખી દઉં - સુરેશ દલાલ
પૂછતી નહીં કેટલો પાગલ... - સુરેશ દલાલ
બન્ને કરતાં એકમેકને વારાફરતી રાજી – સુરેશ દલાલ
મંદિર સાથે પરણી મીરાં - સુરેશ દલાલ
મનના મેવાડમાં એક રાણો વસે છે - સુરેશ દલાલ
મનોજ પર્વ ૧૪ : ક્યાંય પણ ગયો નથી - સુરેશ દલાલ
મારી ગાગર ઉતારો તો જાણું ! - સુરેશ દલાલ
મોરપિચ્છની રજાઈ ઓઢી - સુરેશ દલાલ
મોહનની પ્રીતિ - સુરેશ દલાલ
રમવું હોય તો રમજો રાજા ! - સુરેશ દલાલ
રાત દિવસનો રસ્તો વ્હાલમ, નહીંતો ખૂટે કેમ? - સુરેશ દલાલ
રાધાનું નામ વ્હેતું ના મેલો - સુરેશ દલાલ
લઈ લે પાયલ પાછું - વેણીભાઈ પુરોહિત
લખીએ કયાંથી કાગળ -મેઘબિંદુ
વર્ષાની આ સાંજ - સુરેશ દલાલ
વૃક્ષ-વૃક્ષની ડાળ-ડાળ ને પાન-પાન ને ફૂલ-ફૂલમાં નર્તન... - સુરેશ દલાલ
શ્યામ ! ઓ સાંવરીયા ! - સુરેશ દલાલ
શ્યામ તને હું સાચ્ચે કહું છું - સુરેશ દલાલ
શ્વાસ શ્વાસમાં રાસની લીલા - સુરેશ દલાલ
સપનાં વસંતના - સુરેશ દલાલ
હુ અનેકને ચાહી શકું છું - સુરેશ દલાલ
Happy Birthday ... to.. વ્હાલા કવિ શ્રી સુરેશ દલાલ



એકલો દરિયો – સુરેશ દલાલ

the cove

(સાવ એકલો દરિયો…. Photo: Dr. Chirag Patel)

આટઆટલી પથરાઈ છે રેતી તોયે સાવ એકલો દરિયો;
મોજાંઓની માયા અહીંયાં વહેતી તોયે સાવ એકલો દરિયો !

બપોરના સૂરજમાં એની એકલતા અમળાય
અને રાતના અંધારું થઈ એકલતા સંભળાય.
રંગરંગની માછલીઓ ને મોતી તોયે સાવ એકલો દરિયો !
મોજાંઓની માયા અહીંયાં વહેતી તોયે સાવ એકલો દરિયો !

પંખીની છાયામાં દરિયો કણસે ખારું ખારું,
તરડાયેલા તરંગથી હું ચહેરાને કંડારું.
ઝીણીઝીણી જાળ નજરની જોતી : મારો સાવ એકલો દરિયો
મોજાંઓની માયા અહીંયાં વહેતી તોયે સાવ એકલો દરિયો.

-સુરેશ દલાલ

(આભાર – લયસ્તરો)

ઝાડ મને લાગે નહીં પરાયાં… – સુરેશ દલાલ

Januanry 2010 માં ટહુકો પર ફક્ત શબ્દો સાથે મુકેલું આ મઝાનું પ્રકૃતિ ગીત – આજે પુરુષોત્તમ ઉપાધ્યાયનાં સંગીત અને હંસા દવે ના સ્વર સાથે ફરી એક વાર …. નીચે comments માં અર્પણાબેને જે ‘અલક ચલાણું’ આલ્બમની વાત કરી છે – એ જ કેસેટમાંથી જ એમણે Digitize કરી ને આ ગીત ખાસ ટહુકોના વાચકો – શ્રોતાઓ માટે મોકલ્યું છે – તો આપણા બધા તરફથી એમને હૃદયપૂર્વક આભાર …!! 🙂

*********

Posted on January 2, 2010:

આ ગીત તો જાણે મારા જેવા જંગલ – ઝાડવા પ્રેમીઓ માટે જ લખાયું છે..!! અતુલની કોઇ પણ કોલોનીમાં ઘર કરતા ઝાડ વધારે.. (એટલે કે આજથી ૨૦-૨૫ વર્ષ પહેલા, at least..!!). અને એવા વાતાવરણમાં મોટા થયેલા ને એક-એક ઝાડની માયા હોય જ ને… 🙂 અને મારા સદનસીબે અહીં સાન ફ્રાન્સિસ્કોમાં પણ એવો મઝાનો ગોલ્ડન ગેટ પાર્ક છે કે કોઇ પણ પ્રકૃતિ પ્રેમી ઝુમી ઉઠે..!!

(મને એક એક ઝાડની માયા……….       Sequoia National Park, CA…   Sept, 2008)

મને એક એક ઝાડની માયા
કે ઝાડ મને લાગે નહીં કોઈ દિ’ પરાયાં.

ઝાડ ઉપર ફૂલ થઈ ફૂટું ને
પંખી થઈ બાંધું હું માળો,
ખિસકોલી થઈને હું દોડ્યા કરું છું, ભલે
ઉનાળો હોય કે શિયાળો.
એક એક ઝાડની છાયા
કે ઝાડ મને લાગે નહીં કોઈ દિ’ પરાયાં

ઝાડની હું ડાળી ને ઝાડનું થડ હું તો
પાંદડાં ને ઝાડનું હું મૂળ છું,
ઝાકળની જેમ હું તો વળગું છું ઝાડને,
સોનેરી કિરણોની ધૂળ છું.
લીલા લીલા વાયરા વાયા,
કે ઝાડ મને લાગે નહીં કોઈ દિ’ પરાયાં.

– સુરેશ દલાલ

(અડધી સદીની વાચનયાત્રા, ભાગ ૩)

સપનાં વસંતના – સુરેશ દલાલ

આવે છે રોજ સપના વસંતના....    Picture: Vivek Tailor

આવે છે રોજ સપના વસંતના…. Picture: Vivek Tailor

એક પાનખરના ઝાડને આવે
આવે છે રોજ સપનાં વસંતના
ક્યારે મારી ડાળીએ ખીલે
ખિલખિલ ફૂલો સુગંધનાં

આજે ભલે ડાળીઓ સુક્કી
પણ કાલ એમાં વહેશે ધબકાર લીલોછમ;
આજ ભલે જાઉં હું ઝૂકી
વિધાતાની સામે : તોયે મને એનો નહીં ગમ.
એક એવી આવશે મોસમ :
કે ગીત મને મળશે કોયલના કંઠના.

માણસ પોતાનાં પોપચાં પંપાળે
એમ વ્હેતી હવા મને પંપાળી રહે
કોની આ માયા છે એ તો હું જાણું નહીં
પણ કોઇ મને કાનમાં વાતો સુંવાળી કહે
બિલોરી કાચ જેવા હૈયામાં એક દિવસ
મઘમઘ થઇ મ્હેકશે સપનાં અનંતના.

– સુરેશ દલાલ

મનના મેવાડમાં એક રાણો વસે છે – સુરેશ દલાલ

પહેલા મૂકેલું આ કૃષ્ણ-મીરા ગીત મને ખૂબજ ગમતું આજે હેમા દેસાઇનાં સ્વર માં સાંભળીએ….

MEERA

સ્વર – હેમા દેસાઇ
સંગીત – આશિત દેસાઈ

(આ ઓડ્યો ફાઈલ માટે આભાર – દેવાંગ ખારોડ)

Previously posted on 08 September, 2007

* * * * * * * * * * * * * * * * * * * * * * * * * * * * * * * *

સ્વર – અનાર કઠિયારા
સંગીત – આશિત દેસાઈ

મનના મેવાડમાં એક રાણો વસે છે,
એ રાણાને અહીંથી ઉથાપો કોઇ,
મને મીરાંનું પાગલપન આપો કોઇ.

મને મેવાડી મહેલ હવે જોઇતા નથી, હીરા મોતીના હેલ હવે જોઇતા નથી,
મારા જ કરંડિયાને સાપ તો ડસે, એ સાપને તો અહીંથી ઉથાપો કોઇ.
મને મીરાંનું વૃંદાવન આપો કોઇ…..

હરિ-આવનના અવાજને હું સાંભળ્યા કરું, અહીં દિવસ ને રાત દીપ બાળ્યા કરું
નૈનનમેં નન્દલાલ એવા શ્વસે, મને પ્રીતિ પુરાતન આપો કોઇ
મને મીરાંનું વૈરાગન આપો કોઇ…..હવે સાંવરિયો મનભાવન સ્થાપો કોઇ!!

– સુરેશ દલાલ

આટલું બધું વ્હાલ તે કદી હોતું હશે ? – સુરેશ દલાલ

ગઇકાલે અમારા Bay Area ના ગુજરાતીઓને Munshi Trio અને તુષારભાઇ સાથે ‘મસ્તી અમસ્તી’માં ખૂબ જ મઝા આવી..! Unforgettable Experience..! અને આજે અમે તૈયાર છીએ – ગુજરાતી ગીતો-ગઝલોનો બારમાસી વૈભવ માણવા ..!! તો એની જ પૂર્વતૈયારી રૂપે તમને સંભળાવું – આ  મારું એકદમ ગમતું ગીત..!  અને એમાં પણ આ શબ્દો –

જીરવ્યો કેમ રે જાય વલોપાત આટલી હદે ?
આટલો બધો પ્રેમ શું કદી કોઈને સદે ?

અને એક નશા પર બીજો નશો ચડતો હોય એમ – સુરેશ દલાલના આ શબ્દો અને શ્યામલભાઇનો અવાજ..!!

કોઈ પારેવું વાદળભરી રોતું હશે ? ...!

સ્વર : શ્યામલ  મુન્શી
સંગીત : શ્યામલ-સૌમિલ  મુન્શી

.

આટલું બધું વ્હાલ તે કદી હોતું હશે ?
કોઈ પારેવું વાદળભરી રોતું હશે ?

જીવનમાં બસ એક જ ઘટના, એક જ ઘટના
ભીતર એક જ નામની રટના, નામની રટના.
પોતાનું તે નામ કદી કોઈ ખોતું હશે ?
કોઈ પારેવું વાદળભરી રોતું હશે ?     આટલું બધું  o

જીરવ્યો કેમ રે જાય વલોપાત આટલી હદે ?
આટલો બધો પ્રેમ શું કદી કોઈને સદે ?
નજર લાગે એમ શું કોઈને જોતું હશે ?
કોઈ પારેવું વાદળભરી રોતું હશે ?      આટલું બધું  o

– સુરેશ દલાલ